Mobilidade Urbana Sustentábel

Este libro é á vez un manual para os que exercen a súa profesión no campo do transporte e da mobilidade urbana, e unha obra de reflexión para quen se interrogan acerca dos problemas actuais das cidades.

O autor propón un novo modelo de atención ás distintas necesidades de relación dos cidadáns; aposta firmemente polo transporte colectivo, na certeza de que cada modo ten uns requirimentos de demanda e distancia de desprazamento que obrigan a confiar na intermodalidad como resposta; e anima a proseguir na tarefa iniciada por moitos Concellos de rescatar o espazo público urbano para o desprazamento a pé ou en bicicleta, menos contaminante, máis saudable e mais adecuado ás carencias de enerxía que ameazan ao planeta.

Pero, xunto á necesidade que preconiza de limitar a utilización do automóbil privado na cidade, o autor recorda, igualmente, que este modo de transporte ha de desempeñar aínda un papel importante na satisfacción do dereito á conexión que teñen os cidadáns que viven nas periferias dispersas das cidades, nas que non é fácil nin útil un sistema de transporte colectivo.

Subxace no texto a preocupación polos problemas ambientais, pero o autor antepón á súa resolución a preocupación pola equidad social. É este último aspecto o que fai deste libro unha obra de reflexión que alerta sobre o feito de que, nun contexto de crise, non son xustas algunhas medidas que poden marxinar a amplas capas da poboación.

Como sinala Gabriel Dupuy no seu prólogo, Manuel Herce elixiu un enfoque no que a aposta política resulta esencial: a mobilidade entendida como un dereito. (?) este libro recorda con acerto, pero con forza, as virtudes dun pragmatismo inspirado na preocupación polo ben común.

Fonte: engebook.com

Indice dá obra:

• Prólogo
• Prefacio
• O dereito á mobilidade: requirimentos da sociedade actual
• O estudo da demanda: necesidades por grupos de poboación
• A planificación do transporte urbano: enfoques conceptuais
• Os modelos de demanda: obsolescencia e críticas dos seus métodos
• A planificación da mobilidade: ferramentas dun enfoque alternativo
• Os plans de mobilidade urbana: o marco para unha nova estratexia
• A eficacia social do automóbil: medidas para o seu uso racional
• O reto do transporte colectivo: melloras na súa oferta como ferramenta
• Os desprazamentos non motorizados: necesidade de adaptar o espazo público
• A distribución de mercancías: a súa crecente ocupación da rúa
• Epílogo
• Bibliografía

O Autor:
Manuel Herce Vallejo
Doutor Enxeñeiro de Camiños, Canles e Portos
Departament d'Infraestructura del Transport i del Territori
UPC. Universitat Politècnica de Catalunya.

Produción Científica

Os traballos publicados
_____________________

El Concello destina al aparcamiento de Armas fondos para ...
La Voz de Galicia
... hemos decidido justificarlo con un único proyecto: simplemente, abonando parte del rescate del aparcamiento de la plaza de Armas», señaló el edil. ...
Ver todos los artículos sobre este tema

Sin calles nuevas
La Voz de Galicia
... dinero reservado este año para reurbanizar las calles del centro irá a parar al pago de parte de lo que costó rescatar el párking de la plaza de Armas. ...

Ferrol ingresará 3.000 euros al año por el sótano de la plaza de ...
La Voz de Galicia
Pues que, al igual que en el procedimiento para construir un nuevo párking en la plaza de Armas, las obras no costarán ni un euro al Concello, ...

Los comerciantes negocian rebajas de hasta el 20% en sus alquileres
La Voz de Galicia
Los locales más caros son los que se encuentran entre la plaza de Armas y la calle Sánchez Barcaiztegui, y se vuelven más baratos en el sentido contrario, ...

Verdegaia - Inicio
Web de Verdegaia, asociación ecoloxista de... Oposición ao aparcadoiro soterrado na Praza de Armas de Ferrol ... ámbito galego que traballa na procura da

El párking subterráneo de Armas recibe 116 alegaciones en contra
La Voz de Galicia
... municipal (formado por el bipartito PP-IF) en referencia al proyecto de construir en la plaza de España un edificio de veintiún metros de altura. ...


 _____________

26.09.2009

Cada ano, na segunda quincena de setembro, os municipios europeos dedican unha semana á mobilidade sustentábel. A Semana Europea da Mobilidade puxo o acento esta vez "na mellora do clima da túa cidade", coa idea de que incida no ambiente das cidades, en mellorar os índices de benestar e tamén co propósito de que a cidadanía relacione a mobilidade co cambio climático. De feito, os desprazamentos en medios de transporte privados que circulan polas nosas cidades son os responsables dun 30% das emisións de gases de efecto invernadoiro culpables dos cambios climáticos que esta sufrindo o planeta. Son unhas emisións moito máis difíciles de controlar e de amortecer que as producidas pola industria, xa que teñen unha orixe moito máis dispersa e incumben á vida cotiá dos cidadáns. As accións e boas prácticas levadas a cabo durante esta semana polos 2.000 municipios participantes en Europa dos que uns 300 son españois, onde viven uns 180 millóns de cidadáns, pretenden influenciar nos hábitos da mobilidade cotiá, diminuíndo a utilización do coche privado e aumentando outros medios de transporte que contribúan a reducir as emisións, como o uso da bicicleta e os transportes públicos, especialmente os ferroviarios.

Para iso, un dos actos que se intentaron realizar en case todas as cidades é Un día sen o meu coche, co fin de que descubramos outras estratexias de desprazamento para ir aos nosos lugares de traballo, de estudo, de compras ou de lecer. Esta iniciativa, que se empezou a implantar a finais dos anos noventa e que parece acertada na medida en que intenta que sexamos conscientes de que o cambio climático é un problema que nos incumbe a todos e que tamén son nosas practicas cotiás as que contribúen a iso, tropeza cunhas cidades, especialmente as súas periferias, que se deseñaron para todo o contrario, e aínda que os cidadáns queiran ir en bicicleta ou andando, ou utilizar os medios de transporte público de forma máis habitual. As súas vontades de cambio frústranse cando as distancias entre os lugares onde realizan as súas distintas actividades están demasiado lonxe uns dos outros, non son seguras para ir andando ou en bicicleta ou simplemente non hai transporte público porque as densidades urbanas son demasiado baixas e este non é funcionalmente aceptable. O deseño actual das cidades ten que adaptarse a estes novos retos que o cambio climático impón á mobilidade. Porque non se trata de deixar de desprazarse, de non participar en todo aquilo que a cidade nos ofrece.

Trátase de deseñar unhas cidades que nos permitan a nosa trasfega diaria noutros medios que non sexan o coche privado cun só ocupante. Trátase de non ter que ir comprar o pan en coche, para que nos entendamos. E tamén se trata de que os cidadáns tomemos conciencia diso. Unha Semana da Mobilidade Sustentábel será máis proveitosa cando o deseño das cidades nos permita ampliala ao resto de semanas do ano.

[*] Carme Miralles-Guasch é Profesora de Xeografía Urbana

Fonte: publico.es
____________

• O Consello Local de EU de Ferrol e a reforma da Praza de Armas [23.09.2008]
  
  
• O goberno leva hoxe a pleno o rescate do párking de Armas tras o acordo entre concesionario e comerciantes [16.02.2009]
  

• No Pleno Municipal de hoxe, en Ferrol, vai-se hipotecar parte do futuro da cidade ... [16.02.2009]
  

• Por que furar Ferrol ? [18.02.2009]
  
  
• Esquerda Unida denuncia a situación de irregularidade na que se atopa a día de hoxe o estacionamento da Praza do Concello e outras denuncias [26.03.2009]
  
  
• O pleno aproba o estudo de viabilidade do párking da praza de Armas sin ningún voto en contra [06.06.2009]
  
  
• Asemblea Aberta para tratar o asunto do Estacionamento da Praza de Armas de Ferrol [15.07.2009]
  
  
• A praça do concelho de Ferrol para as pessoas, nom para os veículos: praça pública sim, estacionamento nom! [31.07.2009]
  
  
• Peotanización e pacificación do tráfico na Magdalena [02.08.2009]
  
  
• Alegación aparcadoiro Praza de Armas Ferrol - Verdegaia [17.08.2009]
  
  
• A Masa Crítica de Ferrol pide que non se constrúa estacionamento da Praza do Concello [19.08.2009]
  

•  Blogue Mobilidade Urbana Soustentábel
  Boletín de Traballo do Colectivo Ártabra 21 sobre a Mobilidade Urbana Sustentábel - Documentos, Enlaces, Noticiario - Estacionamentos Soterrados - O caso da Praza de Armas de Ferrol - Praza do Concello - Casco Histórico
  
  
• Programa 21 das Nacións Unidas
  
  
• Aalborg+10
  
  
• A Axenda 21 Local
  
  
•  PERI - Plan especial de protección e rehabilitación do barrio da Magdalena - aprobado o 27.09.2007
  
  
•  Plan Urban de Ferrol
  

__________________

	Martes, 7 de xullo de 2009
	O pleno aproba o estudo de viabilidade do párking da praza de Armas sin ningún voto en contra
	Elaborado pola firma IDOM, proxecta un aparcadoiro de 8.200 m2, tres prantas e un mínimo de 320 prazas. O portavoz do goberno, Ramón Veloso, avanza que o proceso continúa agora coa elaboración do anteproxecto constructivo. Agradece o apoio a un proxecto clave para a cidade, xa que permitirá afrontar a peatonalización do centro histórico Xoves, 2 de xullo de 2009 O goberno local levará a pleno o estudo de viabilidade do novo párking na praza de Armas De aprobarse o plan, que fixa unha inversión de 4,6 millóns cunha concesión a 40 anos, o seguinte paso será redactar o anteproxecto para licitar de forma conxunta redacción de proxecto, construcción e explotación do aparcadoiro. O edil Ramón Veloso apunta que o proxecto, no que existe interese empresarial, permitirá afrontar con garantías o proceso de peatonalización no barrio da Magdalena

___________________

Unha mobilidade urbana sustentábel

Nós, cidades, debemos esforzarnos por mellorar a accesibilidade e por manter o benestar e os modos de vida urbanos á vez que reducimos o transporte. Sabemos que é indispensábel para unha cidade viábel reducir a mobilidade forzada e deixar de fomentar o uso innecesario dos vehículos motorizados. Daremos prioridade aos medios de transporte respectuosos do ambiente [en particular, os desprazamentos a pé, en bicicleta ou mediante os transportes públicos] e situaremos no centro dos nosos esforzos de planificación unha combinación destes medios. Os diversos medios de transporte urbanos motorizados deben ter a función subsidiaria de facilitaren o acceso aos servizos locais e de manteren a actividade económica das cidades.

Detalle da:

CARTA DE AALBORG
Carta das cidades europeas cara a sustentabilidade
Aprobada polos participantes na Conferencia Europea sobre as Cidades Sustentábeis celebrada en Aalborg, Dinamarca, o 27 de maio de 1994.
___________________

Documento en Formato PDF:

Axenda 21 Local - Federación Ecoloxista Galega - Marzo de 2000
______________

Actualizada a 21 de Agosto de 2009

O PSOE de Ferrol impulsa a reforma da Praza de Armas co apoio da ...
FERROL, 2 Oct. (EUROPA PRESS) - O PSOE de Ferrol, que lidera o rexedor da cidade Vicente Irisarri, obtivo hoxe o apoio dos tres grupos da oposición ...

Diario de Ferrol - A coalición de Ferrol quere evitar a ...
O resultado electoral de maio de 2007 configurou un pleno de Ferrol... no que cuestionaba a necesidade de abordar o rescate da Praza de Armas e ... con nove

Galicia Confidencial » Blog Archive » Os problemas de EU-IU en FerrolA EU-IU de Ferrol estalle costando moito a adaptación ao goberno municipal, ... a apoiar o inicio das obras na Praza de Armas... e as ameazas do alcalde, 

O PSOE de Ferrol impulsa a reforma da Praza de Armas co apoio da ...
Esta foi a primeira crise do Goberno local de Ferrol e produciuse en torno ao mesmo asunto, a reforma da Praza de Armas, que xa iniciara o distanciamento da ...

Xavier Carro Garrote: A gobernabilidad de Ferrol [28.10.08]
Hoxe remata unha etapa de pacto en Ferrol entre o PSOE e EU. ... aprobáronse outros 3 asuntos: a reforma da Praza de Armas, as instalacións subterráneas da ...

Vieiros: Galiza Hoxe - Desacordo de PSOE e EU en Ferrol mentres a ...
RSS de GZ-Sete. Conflito pola Praza de Armas ... "Quen gaña é o concesionario, a quen felicitamos pola negociación, pero non gaña a cidade de Ferrol", ...

 

______________

 

BNG de FERROL
O PROBLEMA DA PRAZA DE ARMAS É CONSECUENCIA DA POLÍTICA INCOMPETENTE DA ... e Ferrolde Sánchez Aguilera, Plano de Sectoriarización de... Vello, PERI Menáncaro

_______________

A propósito dos estacionamentos subterráneos e a calidade de vida


Un pouco de historia.

A Praza do Concello, oficialmente Praza de Armas [que outros xa a re-nomearon como "Praza da Paz" durante os 13 días de Folga de Fame do noso compañeiro Xosé Álvarez Crucio], segundo técnicos municipais necesitaba unha remodelación, xa que había informes municipais que alertaban do seu progresivo deterioro.

Cando gobernaba o bipartito conservador [PP e IF], procedeuse á convocatoria dun concurso público para a presentación de ofertas de reforma, a cambio da concesión de máis espazo de negocio, en sentido vertical claro.

O concurso, foi anulado nun pleno municipal [a pesar de que IF -Pita Romero- teimaba en que fora aprobado - o porqué saben-no eles - "negocios" ?], parece ser que debido a que o prego de condicións establecido, non cumpría o Plano Urbanístico Municipal de Rehabilitación para o bairro da Magdalena, o que provocou que a empresa implicada -única licitante-, Ferrolxest [unha das de Isidro Silveira], presentase unha demanda contencioso-administrativa contra o Concello ferrolán. O xulgado, finalmente, deu a razón ao Concello, nunha sentenza coñecida en Outubro de 2007.

A situación era óptima para retomar o asunto da Praza, obrigar a Isidro Silveira a cumprir coas súas responsabilidades como empresa concesionaria e senón fora así, revocar a concesión do estacionamento e locais comerciais [algún deles fechado desde hai anos], rescatando a mesma -se fora posíbel expropiando -alegando interese público- como así o é, para unha posterior reforma e rehabilitación da Praza e estacionamento, conforme ao citado Plano Urbanístico. E porque non, posteriormente ofertar a concesión ou aluguer de prazas individuais a residentes do barrio.


Ao asunto, con argumentos

Os nosos responsábeis municipais pretenden demostrarnos que os estacionamentos subterráneos están feitos para facilitar a vida urbana e mellorar a súa calidade de vida. Alega-se que hai que devolver ao "peón" o espazo que até agora ocupaban os coches. Todo un tópico que non se corresponde coa realidade. A realidade é todo o contrario, o que se pretende e facer-lle máis espazo, dentro da cidade, ao vehículo particular motorizado privado, pois xa non collen nas rúas. Na vez de limitar paulatinamente a entrada destes vehículos no centro da cidade.


A construción dos estacionamentos subterráneos no centro das cidades

A simple vista, os estacionamentos subterráneos permiten deixar os coches baixo terra, desculpas polo "lapsus", quixemos dicir baixo cemento, na cidade, facéndo-os desaparecer das rúas e gañar espazo para a xente da pé. Mais, deixando para despois o máis significativo da súa perversidade, os efectos perniciosos da súa construción están á vista para o medio ambiente urbano. De entrada, como é un negocio, o aproveitamento ao máximo do espazo converte-se en premisa fundamental, arrasando con todo o verde e o pouco arborado existenten nas cidades. Para, logo, re-urbanizar a maior parte das prazas e rúas, para de seguido ocupa-las polo asfalto e cemento, por regla xeral sen árbores ou no mellor dos casos xardineiras diseminadas pola superficie. Perante a súa construción, ruídos e molestias ao comercio e á cidadanía da súa contorna. Maquinaria pesada, grúas, innumerábeis camións formigoneiras, ... Utilización de cantidades enormes de cemento.


O Caso da Praza do Concello de Ferrol

No caso do da Praza do Concello, imaxinemos tres andares e remodelación da Praza. O máximo lucro do negocio, como antes mencionabamos, leva ás empresas concesionarias a ocupar a práctica totalidade da praza e rúas que a ladean, instalando nas beirarrúas, ramplas de acceso e outras de saída, casetas para escaleiras e ascensores na superficie, ... E agora imaxinemos un grande furado diante da casa do Concello, con obras de duración superior ao ano e medio ou dous anos. Di-se que tamén se quere beneficiar ao comercio do Centro, máis se lle vai castigar sen 100 estacionamentos, mentres duren as obras. Xa non falemos do colapso do tránsito motorizado e das xa mencionadas molestias e ruídos. Dentro da súa lóxica, non parece lóxico. Os negocios máis débiles resentiran-se e até pode que cheguen a un deterioro económico irreparábel.

Máis a nosa oposición, non é só polo dano ao medio ambiente urbano, nunha zona sensíbel como é o bairro histórico da Magdalena. Outro motivo é continuar coa privatización dun servizo público municipal. Gastar no seu rescate case dous millón e medio de euros, para voltar a privatizar, parece un despilfarro económico, cando só faltaban uns poucos anos [din que 10 anos] para o fin da concesión.


Animando a utilizar o vehículo motorizado particular privado

Doutra banda, a desaparición dos coches estacionados baixo a superficie, non supón, por iso, un menor tránsito motorizado pola cidade, senón máis ben o contrario, unha maior circulación de vehículos que, animados pola existencia de lugares para aparcar, non terán tantos reparos para adentrarse no casco histórico da Magdalena no centro da cidade. Polo que, en lugar de desanimar aos motorizados para que non collan o coche ou non entren con el na cidade, ante as dificultades para poder estacionar no centro e, deste xeito, favorecer o uso doutras formas máis ecolóxicas de desprazarse [a pé, en bicicleta ou collendo o transporte público], anímaselles a utilizar o vehículo motorizado. Circulación motorizada que se agrava e que vai continuar agravando-se na medida que a cidade se expande innecesariamente pola actual zona rural a través de numerosos plans parciais, como polo de agora permite o actual e de urxente reforma PXOM [para exemplo o Plano Sectorial de Menáncaro que se non chega a ser pola loita firme e consecuente da Comunidade Menáncao e os colectivos ecoloxistas, hoxe teríamos unha urbanización de luxo no lugar, coa conseguinte desaparición do valioso espazo natural] e mentres o centro urbano de Ferrol baléira-se e as distancias desde o lugar de residencia ao do traballo, administracións ou zona comercial, aumentan.

Deste xeito, atopamo-nos ante a degradación das condicións de vida da cidade, onde cada día máis xente vai ao centro de Ferrol, para facer algún tipo de xestión, comprar ou a locais culturais ou de ocio, para o que se utiliza o coche particular que necesita, á súa vez, unha praza de estacionamento, o que provoca, unha maior contaminación acústica e atmosférica das rúas, pola afluencia continuada de vehículos motorizados.

A nós, non nos cabe a menor dúbida de que a construción de estacionamentos subterráneos no centro da cidade, vai na dirección de potenciar o uso do vehículo particular motorizado privado, non na súa redución no centro de Ferrol.


Saúde

Estamos a falar dunha cidade pequena, onde as distancias son curtas, todo queda perto, ao lado, a poucos minutos. Ampliar o estacionamento da Praza do Concello vai contra toda lóxica e sobre todo contra un futuro saudábel. Hoxe en día, cando a OMS [Organización Mundial da Saúde] chama a cambiar os hábitos pouco saudábeis de vida, establecendo a "Estratexia Mundial sobre Réxime Alimentario, Actividade Física e Saúde", concretado na Galiza no "Programa Pasea" que pretende abordar en conxunto unha estratexia de concienciación e mobilización comunitaria fronte ao problema de saúde colectivo, promovendo hábitos saudábeis que condicionen un cambio global no estilo de vida. Demos 10.000 pasos ao día e o corpo no lo agradecerá.

Colectivo Ártabra 21
_________________

Enlace relacionado:

Colectivo Ártabra 21: No Pleno Municipal de hoxe, en Ferrol, vai-se hipotecar parte do futuro da cidade ...
__________

No Pleno Municipal de hoxe, en Ferrol, vai-se hipotecar parte do futuro da cidade. Seguir construíndo estacionamentos no centro da cidade, non é camiñar a eliminar o tránsito de vehículos pola mesma, senón todo o contrario, é fomentar o uso do automóbil motorizado particular e privado. Todo o contrario do que establece o compromiso de ter asinado a Carta de Aalborg [*] e elaborado a Axenda 21 Local [que por certo xa non está colgada na web oficial do Concello]. O fomento de estacionamentos para automóbiles particulares privados, vai en contra dunha "mobilidade urbana sostíbel", no punto I.9 da citada Carta di-se:

"Nós, cidades, debemos esforzarnos por mellorar a accesibilidade e por manter o benestar e os modos de vida urbanos á vez que reducimos o transporte. Sabemos que é indispensábel para unha cidade viábel reducir a mobilidade forzada e deixar de fomentar o uso innecesario dos vehículos motorizados. Daremos prioridade aos medios de transporte respectuosos do medio ambiente (en particular, os desprazamentos a pé, en bicicleta ou mediante os transportes públicos) e situaremos no centro dos nosos esforzos de planificación unha combinación destes medios. Os diversos medios de transporte urbanos motorizados deben ter a función subsidiaria de facilitar o acceso aos servizos locais e de manter a actividade económica das cidades".

O goberno leva hoxe a pleno o rescate do estacionamento da Praza do Concello tras o acordo entre concesionario e comerciantes, sen ter en conta a necesaria recuperación funcional dunha praza, para uso e gozo da cidadanía como principal e non como secundario, para eles primeiro é o negocio privado, cunha futura concesión de décadas, máis antes facendo un rescate millonario [case 2,5 millóns de euros] que vai beneficiar ao actual concesionario, Isidro Silveira. E que se supón que vai ser, con toda seguridade, o futuro concesionario que vai ampliar o seu negocio [en case un 345%], pois pasa de poder ofertar 116 prazas na actualidade, a unhas 400 nun futuro.

A desculpa do edil de Facenda, Ramón Veloso, no sentido de afirmar que esta medida "permitirá construír un novo aparcadoiro para gañar prazas. Ferrol podería así afrontar con garantías o proceso de peatonalización do barrio histórico da Magdalena", non é máis que pura retórica, se se ofertan máis prazas, entrarán máis vehículos motorizados no casco histórico da Madaglena. A tendencia debería contemplar o só permitir o acceso a residentes, emerxencias, transporte colectivo [non contaminante] e distribución de mercadorías.

A outra desculpa de que "se evitarán os continuos desembolsos que, ano tras ano, tiña que asumir o Concello para afrontar reparacións no recinto", non é tal se non vai acompañada dunha relación de obras e reparacións feitas nos últimos anos e a súa contía, pois precisamente do que se queixaban os comerciantes da Praza era de que non se acometían ditas obras.

En definitiva, rehabilitar a Praza si, mais para uso e goce da cidadanía, non para facilitar o uso de transporte motorizado particular e privado dentro da cidade.

Colectivo Ártabra 21
16.02.2009
______________________

[*] Conferencias Europea de Cidades e Pobos Sustentábeis
[Aalborg en 1994, Lisboa en 1996, Hannover en 2000, Aalborg en 2004 e Sevilla 2007]

Ponto 6 do Documento "Aalborg+10 – Inspiración para o Futuro", da conferencia celebrada en Hannover no ano 2000.

"Mellor Mobilidade e Redución do Tránsito

Recoñecemos a interdependencia do transporte, a saúde e o medio ambiente e estamos comprometidos a promover firmemente os modelos de mobilidade sostíbeis.

Polo tanto imos traballar para:

1.reducir a dependencia do transporte privado motorizado e promover alternativas atractivas que sexan accesibles para todos.
2.aumentar a porcentaxe de desprazamentos en transporte público, peonil e en bicicleta.
3.promover o cambio a vehículos con baixas emisións.
4.desenvolver plans integrados de mobilidade urbana sostible.
5.reducir o impacto do transporte no medio ambiente e na saúde público"

Entrar a continuación:
Colectivo Ártabra 21: Por que furar Ferrol ?

_________

Enlaces Relacionados:

• O goberno leva hoxe a pleno o rescate do párking de Armas tras o acordo entre concesionario e comerciantes
• A Axenda 21 Local
• Programa 21 das Nacións Unidas
• Aalborg+10
  

__________________